Abenduaren 16an Pagasarrira igotzeko izena ematen duen bakoitzeko BBK-k zuhaitz bat landatuko du

BBK 20 abendua, 2018

Pagasarriko Ibilaldiaren XXVIII. edizioa, BBK-k 1991. urtetik bultzatua, abenduaren 16an, igandean, izango da. Bizkaiko hiriburuan Gabon aurreko hitzordu saihestezina, Bilboko mendirik adierazgarrienaren xarmaz gozatzeko, 09:00etan abiatuko da BBK Salatik (Lopez Haroko Kale Nagusia, 19-21). Ibilaldia, gutxi gorabehera bi ordukoa, egokia da adin guztietarako.

Izen-ematea, hiru euro ordainduta, Kutxabanken orotariko kutxazainetan formalizatu ahal izango da abenduaren 10etik 16ra, igandean bertan ibilaldia hasteko unera arte. 671 metroko tontorrera igotzeak aukera emango die parte-hartzaileei paraje paregabean ohiko hamaiketakoaz gozatzeko: tortilla-ogitartekoak eta txorizoa sagardotan egosia, ardo, salda eta urarekin.

Aurtengo edizioak ere Bizkaiko basoak egokitu eta lehengoratzen laguntzeko balioko du. Hirugarren urtez jarraian, BBK-k jarraituko du opari bat ematen, inork ezingo duena bere etxera eraman: zuhaitzak. Lurgaia Fundazioaren laguntzaz, bildutako dirua Bizkaiko zenbait gune basotsu baso-berritzeko erabiliko da aurten ere. BBK Basoa deituriko eta iaz sorturiko ekinbidearen arabera, izena ematen duen pertsona bakoitzeko zuhaitz bat landatuko da.

BBK-k 1991. urtean antolaturiko lehen igoerak milaka pertsona erakarri zituen. Mendi honi loturiko deialdiak 1912an hasi ziren, “Pagasarri Kopa” lako hitzordu ospetsuekin, bertan 2.500 lagun elkartu zirelarik 1913an. Gaur egun, Bilboko mendiak milaka mendizale elkartzen ditu asteburu oro, eta igandea, abenduaren 16a, ez da salbuespena izango. Kausa on bat egongo da bertaratzeko: parte-hartzaile bakoitzak zuhaitz autoktono bat “landatuko” du Bizkaiko baso batean.

Egungo albiste gehiago

«Aitzindariak LH» «Zure bide propioa eraiki. Lanbide Heziketa aukeratu» kanpainaren bidez, industriako LHn dagoen emakumeen ehunekoa handitzea da asmoa, eta horretarako, bideoak eta lanerako beste material batzuk zabalduko dituzte institutuetan, LHko ikastetxe feminizatuetan, familietan, enpresetan eta gune publikoetan
BBK-k egin du beka-deialdia bere laugarren BBK BOOTCAMP campuserako; prestakuntza-sistema trinko hau AEBetatik Euskadira ekarria da, errekorrezko denboran aditu programatzaileak prestatzeko
Zer programatzeko gai dira BBK Bootcampera etortzen diren ikasleak? Erantzuna gaur eman da Icaza Colaborando-n BBK Bootcamp DEMO DAY 
Mikroskopia Estazio Herritarrak apirilaren 4tik 12ra irekiko ditu ateak eta aukera paregabea eskainiko die herritar guztiei bizi mikroskopikoa behatu, aztertu eta irudikatzeko arte-sorkuntzan.
Gure ekitaldi guztiak