Albisteak

Santo Tomas azoka ekologikoena hasten da

Aurten San Tomas Azoka Bizkaiko bost erakunderi egindako omenaldiarekin hasi da; izan ere, adinekoen bakardadeari aurre egiteko behar egiten dute urte osoan. Agintzari, Gurutze Gorria, Nagusilan, SSI Taldea eta Caritas dira. Ekitaldiak balio izan du, halaber, Mercedes gogoan izateko; 89 urteko emakume hau BBKren “Bakardade ikusezina” kanpainako eskultura zizelkatzeko modelotzat hartu zen, eta kanpainari esker, adineko pertsona askok Eguberriak Bizkaiko familiekin igarotzeko programa jarri da abian.

 

BBKren “Bakardade ikusezina” kanpainak adinekoen gura bako bakardadearen arazoaz jendea kontzientziatzea du helburu; kanpainaren arrakasta eta harrera onari esker, erakundeak beste programa bat sortzea erabaki du, Bizkaiko familiak eta bakarrik dauden adinekoak, Gabonak lagun barik igaro gura ez dituztenak, elkartu ahal izateko. Kanpaina honen ondorioz, aurtengo sariak Bizkaiko adinekoekin beharrean nabarmendutako bost erakunderentzat izan dira.