BBK Azoka, baserritik etxera

element/arrow-grey copy 3 Created with Sketch. Bizkaia

BBK Azoka BBKren proiektu bat da, Bizkaiko baserritarren nekazaritza-jardueraren ezagutza eta zabalkundea sustatzen dituena.

BBK Azoka webgunea online salmentako kanala da, eta Bizkaiko nekazari eta abeltzainen kalitaterik oneneko produktuak zuzenean, bitarteko barik, kontsumitzailearen esku jartzen ditu. Beste elikagai batzuen artean, 25 ekoizle ditu, ortuariak, eztia, arrain-kontserbak, gaztak, hestebeteak eta txakolina eskaintzen dituztenak.

Plataforma honek Bizkaiko nekazaritza-ekoizpenaren eredua ezagutarazi gura du, ustiategi txikietan oinarritua: horietan baserritarrek mimo handiz jagon edo zaintzen dituzte prozesuaren urrats guztiak azken produktua, kalitaterik onenekoa, lortu arte.

BBK Azokaren webgunea Bizkaiko ekoizleak azken kontsumitzaileekin komunikatzen dituen tresna da, hauek xehetasun guztiz ezagut ditzaten etxeetan jasotzen dituzten produktuak egiteko beharrezko lana eta arduraldia. Plataforma honek dibulgazio-funtzioa ere betetzen du, webgunearen ataletan datu garrantzitsuak baitaude Bizkaiko lehen sektoreaz: nekazaritza-azoken egutegia, erreportajeak eta ekoizleekin elkarrizketak, sasoiko produktuekin prestatzeko errezetak, eta atal berezi bat proiektu honetan sartu gura duten ekoizleentzat.

BBK NEKAZARITZA-AZOKAK BIZKAIAN

BBK-k lotura estua du Bizkaiko lehen sektorearekin, eta horretarako ekintza eta ekimen asko antolatzen ditu, ekonomiarentzat funtsezkoa den sektore honen ikusgaitasuna, nekazaritza-aniztasuna, ingurumenarekiko begirunea eta kontsumo jasangarria bermatzen dituztenak. Horretarako, beste ekintza batzuen artean, azokak babesten eta antolatzen ditu Bizkaiko lurraldean zehar.

BBK azoka hauek bitarteko bat dira nekazari eta abeltzainen produktuak merkaturatzea sustatzeko bideak eraikitzen jarraitzeko, baita ekoizleen eta BBK Azokako kontsumitzaileen arteko harremana ere.

BBK AZOKA: BIOESKOLA ETA GOILURRA-REKIN ELKARLANA

 BBK Azokak, gainera, bi proiektu gauzatzen ditu, zenbait talde gizartean eta lan-munduan sartzea sustatzeko. Alde batetik, Emausen Bioeskola BBK proiektua: produktu ekologikoen nekazaritza-ustiategia da, eta bertan Zamudioko Ospitaleko pertsonak dabiltza beharrean. Proiektu honek hainbat helburu ditu: besteak beste, egoera ahul edo urrakorrean dauden pertsona kalteberen enplegu-gaitasuna hobetzea lehen sektoreko prestakuntza eta gaikuntzaren bidez; Bizkaian ekoizpen ekologikoa gehitzea; edo gizartearen sentsibilizazioa oro har, eta eskola-jendearena bereziki, prestakuntza-ikasgela baten bidez, eta honek, sistemaren jasangarritasunari begira, hurbilekoa kontsumitzearen onuren berri ematen du.

Bestalde, Goilurra proiektuarekin elkarlanean dihardu; Goilurra SLR laneratze-enpresak zuzentzen du, eta honek kalitate bikaineko nekazaritza-ekoizpena egiten du eta bere proiektuak poltsa pertsonalizatuen bidez banatzen ditu.

Erlazionaturiko albisteak

Teléfono

94 685 94 00

902 102 389 (tienda)

Email

infoazoka@bbk.eus

Sare sozialak
Intereseko estekak