BBK Beka Programak

element/arrow-grey copy 16 Created with Sketch. Prestakuntza
element/arrow-grey copy 3 Created with Sketch. Bizkaia

Beka Programa BBKren proiektu estrategiko bat da, eta Bizkaiko talentuaren hazkundea eta garapena bultzatzeko helburua du, baita euskal gazteei lan-merkatuan sartzen laguntzekoa ere.

Horretarako, BBKtik, beka-programa oso bat eskaintzen dugu, eta bertan gazteek prestakuntzarako ikastaroak eta praktikatako programak aurki ditzakete, horiei esker beren prestakuntza eta lanbide-esperientzia arrakastaz osatzeko.

ENPRESAKO PRAKTIKAK

Eten barik, BBKrekin elkarlanean diharduten Bizkaiko elkarte eta erakundeei esker, deialdi-eskaintza zabala egiten dugu. Beka Programa honetan parte hartzen duten enpresek zera eskaintzen diete profesionalei: beren prestakuntza jarraitu ahal izatea benetako lan-ingurunean.

Programa honetan parte hartzen duten enpresetako batzuk Urdaibai Bird Center, Ekonomisten Euskal Elkargoa, Lanbide, UNESCO dira, baina beste asko daude. Dena den, esan behar da bai enpresak eta bai enpresako praktikak egiteko beka-programen ezaugarriak urtero alda daitezkeela.

MASTER ETA GRADUONDO BEKAK

Bizkaiko gazteen lanbide-garapenean laguntzeko helburuarekin, BBK-k urtean 60 beka eskaintzen ditu guztira; matrikularen % 50 ordain dezaketen, baina gehienez 1.000€ko zenbatekotik.

2019-2020ko Master eta Graduondoko Beketarako izena emateko epea 2019ko irailaren 12an amaituko da.Master eta Graduondoko BBK Bekak aukera ona dira beren burua prestatzen jarraitu gura duten gazteek BBKren laguntza izateko.

ATZERRIKO BEKAK

Urtero BBK Fundazioak euskal gazteen esku jartzen ditu atzerrian egiteko prestakuntza-programak, unibertsitateko gazteen lanbide-garapena bultzatzeko eta Bizkaiko kultura eta ekonomiaren garapena sustatzeko.

  • Erasmus bekak: Espainiako estatuko edozein unibertsitatetako euskal ikasle guztientzat prestakuntzarako laguntza-programa.
  • Bizkaia BBK bekak: Bizkaiko Foru Aldundiarekin elkarlanean, programaren helburua Bizkaiko talentu profesionala bultzatzea da zenbait gai teknikotan (big data, energia, aeronautika, finantza-hub-a, automobilgintza eta ekonomia, …), nazioartean erreferentziazkoak diren zentroetan.
  • BBK UNESCO nazioartekotze-bekak: programa hau UNESCO Etxearekin elkarlanean garatzen da. Bere helburua lanbide-esperientzia ematea da, Hezkuntza, Zientzia eta Kulturarako Nazio Batuen Erakundeak Parisen duen Egoitza Zentralean.

IKERKETA-BEKAK

BBKren laguntza ikerketa-beketan bere estrategiaren parte da. Baina, gainera, laguntza-programak eskaintzen ditugu prestakuntza-arloan eta bekak Bizkaian erreferentziazkoak diren elkarteekin lankidetzan, nola baitira Biocruces eta Urdaibai Bird Center.

PRESTAKUNTZA-OSAGARRIRAKO BEKAK

Prestakuntza osagarriko BBK bekak Bizkaiko gazteen prestakuntza tekniko-profesionala osatzera bideraturik daude, lurraldearen hazkunde-aukerei profesionaltasun handiagoz aurre egin ahal izateko. Laguntza hauekin, profesionalek negozio-ideia bat aurrera eramateko ametsa gauzatu ahal izango dute, proiektu handi batean parte hartu edo enpresa handi baten parte izan.

  • BBK Bootcamp bekak: BBK-k lehen Euskadi Bootcamp proiektua jarri du martxan, informatika-garapenean prestakuntza trinkoa sustatzeko helburuaz.
  • Gazte Diseinatzaileentzako bekak: BIAFekin lankidetzan, BBK-k modaren profesionalei espezializazio- eta prestakuntza-ikastaroa eskaintzen die eremu honetan sektorea bultzatzeko helburuaz, goranzko balioa gure gizartean.
  • Atzerrirako bekak: Atzerrian prestakuntza jasotzeko beka-programak eskaintzen ditu BBK-k, unibertsitateko ikasleek beren prestakuntza osa dezaten nazioartean ospetsuak diren enpresa edo erakundeetan, aparteko laguntza bat lortuta.

ARTE ETA MUSIKAKO BEKAK

BBK-k Bizkaiko bertoko kulturaren alde egiten du eta hainbat prestakuntza-programa jartzen du martxan arte-zentro, orkestra eta museorekin elkarlanean, adibidez, Bilboko Arte Ederren Museo, EIKEN eta Euskal Herriko Gazte Orkestrarekin (EGO).