BBK Venture Philanthropy

Gizarte-eragina maximizatuz Bizkaian

BBK Venture Philanthropy programaren helburua da Bizkaian gizarte- eta ingurumen-eragin edo inpaktuko ekintzailetza eta inbertsioa sustatzea. Proiektu finalistak Ship2b-rekin batera garatu den azelerazio-programa pertsonalizatu batez baliatu ahal izango dira, baita programa horretarako BBK-k 100.000 €rekin hornitu duen finantzaketa-funts berezi batez ere.

Gizarte- eta ingurumen-eragin edo inpaktuko proiektuak bilatzen ditugu:

  • Negozio-eredu errentagarria edo autosostengagarria dutenak.

  • Ideia berritzaile batean oinarritzen direnak.

  • Eskalagarritasunaren bidez eragin edo inpaktu handia lortzen dutenak.

  • Startup-ek edo gizarte-erakundeetako barne-ekintzaileek bultzatutakoak direnak.

Zer eskaintzen dizugu?

FASEAK

Deialdia. Ekainaren 8tik uztailaren 12ra. Emazu izena hemen.

Ahalmen handieneko 10 proiektu hautatuko dira, Innovation Bootcamp-era sartuko direnak; bertan, balio-proposamenak zehaztu eta hobetu ahal izango dituzte bi egunez, funtsezko gaiei buruzko prestakuntza eta aholkularitza jaso, eta hasierako faseetan beste gizarte-ekintzaile batzuekin ere konektatu ahal izango dira.

  1. FASEko data nagusiak:
  • 2020ko irailaren 4tik 7ra: 10 aurre-hautatuei jakinaraztea
  • 2020ko irailaren 17 eta 18an: Innovation Bootcamp (2 egun)
  • 2020ko irailaren 30ean: Dokumentazioa entregatzea
  • 2020ko urriaren 2an:  2. FASEA Hautaketa Batzordea

Oharra: Aurrez aurreko jarduerak Bilbon izango dira, edo, bestela, online, ezinbesteko arrazoiengatik.

Lau proiektu finalistek azelerazio-prozesu pertsonalizatua jasoko dute 4 hilabetez; prozesu hori amaitzean, programaren funts berezi bat izango dute eskura, BBK-k 100.000 euroz hornitua, baita ekintzailetzari laguntzeko BBKren ekosistema ere.

Gainera, bigarren fase honetan, lagundutako proiektuen eskura jarriko ditu BBK VPek bere proiektuak indartzeko erabilgarri dauden baliabide guztiak (banakako laguntza, prestakuntza, 400 aholkulari eta aditu baino gehiagoz osatutako sarea, lankidetzak aztertzeko enpresa handien sarea, eta inpaktuko inbertitzaileen sarea).

Lagundutako proiektuek beren eragin edo inpaktua maximizatzeko eta Ship2b-ren inpaktu zigilua lortzeko lan egingo dute, eta programako ekitaldietan parte hartzeko aukera izango dute, horrela komunitate osoarekin harremanetan jartzeko, aliantzak egiteko, finantzaketa lortzeko, etab.

  1. FASEko data nagusiak:
  • 2020ko urriaren 5ean: 4 hautatuei jakinaraztea
  • 2020ko urriaren 26tik 30era: Impact Business Bootcamp (5 egun)
  • 2020ko azaroaren 23 eta 24an: Presentziazko bi egun
  • 2021eko urtarrilean: Inpaktu Batzordea, Venture Philanthropy Batzordea eta Demo Day

Oharra: Aurrez aurreko jarduerak Bilbon izango dira, edo, bestela, online, ezinbesteko arrazoiengatik.

  1. FASErako hautatuak ez diren proiektuek Impact Business Bootcamp-en bertsio murriztuan, 2 egunekoan, parte hartzeko aukera izango dute urriaren 19an eta 20an.

FINALISTAS PRIMERA EDICIÓN

Erlazionaturiko albisteak

Email

bbkvp@bbk.eus