Agenda
26 Ekaina 2021
BBK Sala:

Fadoak entzuten zituen gizona

Antzerkia euskaraz + Berbaldia.

Lan hau bidaia bat da. Zineman “road movie”-ak dauden bezala, hau “road play” bat izango litzateke.

Mario kamioilaria da eta lan kontu batengatik Lisboara doa. Bidean, Ander izeneko mutil bat jasoko du. Ander musikaria da eta Huelvako Ayamonte herrian antolatzen den fado lehiaketa amateur batera doa bertan parte hartzeko asmoz. Kasualitateak kasualitate, Anderrek eta Mariok lehenagotik ezagutzen dute elkar, baina urteak dira ez dutela elkarren berri izan.

Bi pertsona hauek egun pare bat iraungo duen bidaia bat hasiko dute. Izan ere, Castillako lurretan elurte handi bat egongo da eta errepidean harrapatuta geratuko dira.

Zirkunstantzia horrek sortzen duen intimitateari eta elkarrekin pasatzen duten denborari esker, harreman oso berezia sortuko da bi lagun hauen artean eta kontu askoren inguruan gogoeta egiteko bidea emango du: Zer da sentibera izatea? Gizonak izan gaitezke sentiberak? Nola harremantzen gara mutilak? Zein rol jokatzen ditugu gizarte honetan?

Maskulinitatearen inguruan gogoeta egiteko lan bat da honako hau.

Ekitaldiaren amaieran, Borja Ruiz antzerki-zuzendari, aktore eta pedagogoaren eskutik, antzeztutako lanari buruzko ikusleekiko berbaldi bana antolatuko da, produkzioaren talde artistikoarekin batera, obraren zenbait alderdi aztertzeko eta antzerkiaren inguruko bizipenak luzaroan bizi nahi dituzten horiengana artistak hurbiltzeko asmoz.

tiketak

26 EKAINA 2021
O: 19:00
Helbidea

Gran Vía López de Haro kale nagusia, 19-21

Sarrerak

15€.
Descuento: 1€ con tarjetas Kutxabank.
Deskontua: 1€ Kutxabankeko txartelekin.