BBK OFF Festival

BBK Salak beharrean segitzen du Bilbo erdian dagoen kultura-gune honek publiko zabalagoa har dezan proposamen berri batekin: BBK OFF FESTIVAL; bere helburu nagusia lan eszeniko alternatiboak sustatzea eta erakustea da. Salak uztaileko bigarren astean proposamen ausartak jarriko ditu eszenatokian, gure artisten talentua bultzatzeko, Euskadiko artistentzako lehen OFF lehiaketaren bidez.

50eko hamarkadan Broadwayko superprodukzioen kontrapuntu alternatibo gisa New Yorken sortua, “Off antzerki” esamoldeak zirkuitu komertzialetik kanpo aurkezten diren aurrekontu eta formatu txikiko muntatzeak hartzen ditu. Forma alternatibo hau olerkariek, kantautoreek, antzerkigileek, diseinatzaileek eta konbentzionalak ez ziren gainontzeko artistek euren artea askatasunez adierazteko gune bihurtu zen, jendetza handien eskakizunei erantzuteko beharrik barik.

Izen-emateak maiatzaren 10etik 31ra bitartean egin ahal izango dira erantsitako inprimaki edo formularioa bbkoff@bbk.eus helbide elektronikora bidalita. 

Beren proposamenetan arriskuak hartzen dituzten eta lengoaia eszeniko berrien aldeko apustua egiten duten artista eta konpainiak bilatzen ditu BBK Salak, gehienez 2 orduko iraupena duten antzezlanekin. Gutxienez 600 euroko ordainsaria emango da, gehi txarteldegian batutakoaren % 100, ordubete eta bi ordu arteko lanen kasuan.  Laburragoei dagokienez, diru-kopuru hori bera beste proposamen batzuen artean (gehienez 3) banatuko da.

BBK Sala arduratuko da ikuskizun bakoitzaren atal teknikoaz, estandar orokor batekin, baita emanaldien zabalkundea egiteaz ere bere ohiko euskarrietan.

Izena eman ostean, proposamenak formatu digitalean aurkeztu beharko dira maiatzaren 31 baino lehen. Ondoren, BBK Salako talde ebaluatzaile batek iraupen luzeko zazpi proposamen (asteko egun bakoitzeko bana) eta sei labur aukeratuko ditu.

Lanak honako irizpide hauen arabera hautatuko dira: proposamenaren kalitatea, balio artistikoa eta zorroztasuna; genero-berdintasunarekiko eta euskararekiko konpromisoa; ibilbide artistikoa; proposamenaren bideragarritasun teknikoa; eta proposamenaren berrikuntza.

MULTIMEDIA

MULTIMEDIA

EUS_PROYECTO EN IMÁGENES
IKUSI GALERIA