EUP! BBK eta Aldundiaren eta sektoreko elkarteen arteko itunetik sortu da Eup!, eta Bizkaiko tokiko merkataritzaren online gune handia, kontsumo-ohitura berrien aurrean sektorea indartzeko tresna, bilakatzeko asmoa du.

Lehiakortasuna hobetzeko eta tokiko sektorearen berehalako erronkei aurre egiteko diseinatutako plataforma berri bat, Eup! deituko dena.

BBK-k kudeatuko du Eup! plataforma, eta datozen hilabeteak atxikimendu-, aholkularitza- eta prestakuntza-prozesua abiarazteko izango dira. Zeregin horretan Bizkaiko merkataritza-elkarteek eta Bilboko Merkataritza Ganberak lankidetza estuan jardungo dute.

Produktuak modu eroso eta intuitiboan bilatu eta alderatzeko, transakzio seguruak egiteko eta gure erosketak zelan jaso gura ditugun, geu bila joanda edo etxean, aukeratzeko merkataritza-gune handi bat izango da Eup! Hori guztia gertuko merkataritzak bakarrik eskain dezakeen hurbiltasun-ingurune batetik. Merkataritza-gune digital horrek, gainera, Bizkaiko jarduera eta enplegua dinamizatzen lagunduko du, ahalik eta ingurumen-eragin txikienarekin, hurbileko logistika-sare jasangarriak erabiliko dira eta.

Urtarrilaren 18tik aurrera EUP! plataformari atxikitzeari buruzko informazioa eskatzeko inprimakia eskuragarri egongo da: www.eup.eus Jaso ondoren, EUP! aholkularia saltokiarekin harremanetan jarriko da atxikitzeko baldintzen, EUP! merkataritza elektronikoko atariaren
funtzionalitateen eta aholkularitza-planaren berri emateko.

Saltokiak hilero 24 €-ko zenbateko finkoa ordainduko du (gehi BEZ), eta egindako salmenten gaineko % 4ko zenbateko aldakorra (zerga-oinarriaren gainean kalkulatua, BEZik eta garraiobiderik gabe).
Lehen urtean, kostu horiek doakoak izango dira programari atxikitzeko kontratua sinatu duten saltoki guztientzat. 2022ko udaberritik aurrera, hilero ordainduko dira kostuak – finkoak eta aldakorrak –.

  1.  Marka indartsuagoa eta komunikazio-kanpaina oso garrantzitsuak dituen merkataritza-gune birtual handi baterako sarbidea.
  2. Erakusleiho birtual bat, erabiltzailearen eta denda fisikoaren arteko elkarguneak ahalbidetuko dituena (produktua jasotzeko gunea, informazio gehiago eskatzea, whatsapp bidez harremanetan jartzea). Nonahiko estrategia bultzatzen dugu: “Bezeroak egon nahi duen lekuan gaude”.
  3. Etengabeko aholkularitza digitala (aurrez aurrekoa eta online) 2 eta 6 aste artekoa izan daitekeen prozesu osoan zehar, saltokiaren digitalizazio-mailaren arabera:
    – Digitalizazioari buruzko aholkularitza orokorra: zer helburu lortu plataforman (branding-a, salmentak, trafikoa, etab.), zein sare sozial diren egokienak bertikalki/sektorerako, zer zerbitzu-hornitzaile tresna erabil ditzaketen, Google kasu, eta abar.
    – Prestakuntza plataformaren merkataritzaren arlo pribatuan: nola kudeatu produktu-fitxak, nola sortu eduki erakargarria zure dendara trafikoa sortzeko produktu-fitxetan
    – Produktuaren fitxa sortzeko produktuen argazkigintzari eta edizioari buruzko prestakuntza.
  4. Merkataritza etengabe hobetzeko txostenak eta metrikak eskuratzea: merkataritzaordutegiari, produktu-fitxei, kokapenari eta abarri buruzko informazioa ikusten dutenak.
  5. Penintsulako lurralde nazional osorako posta-zerbitzu logistikorako sarbidea:                                                                                                                                                                        — Edo bezeroarentzat hobariak dituzten baldintzekin:
    – 3,95 €Bizkaian, 24/48 ordutan
    – 4,95 €gainerakoa 48/72 ordutan
    Edo merkataritzari bere lana errazten dion zerbitzu batekin, mezulariak berak etiketa saltokira
    eramanez prestatutako paketeari eransteko.
  6. Kutxabanken ordainketa segururako plataformarako sarbidea
  7. Bezeroentzako arreta-zerbitzuan sartzea, bezeroekin egindako eskaeren gorabeherak,
    kontsultak eta abar konpontzeko.

Lehenengo doako urtearen ondoren (2021eko maiatzetik 2022ko maiatzera bitartean), ez dago iraupen-kontraturik. Saltokiak Marketplacetik alde egin dezake inolako zigorrik eta ordainketarik gabe jasotako prestakuntzagatik.
Marketplacearen parte den denboran, merkataritzak konpromiso hauek hartzen ditu:
• App-an jasotako eskaerak eta itzulketak kudeatzea
• Produktuari eta stockari buruzko informazio eguneratua mantentzea

4 edo 5 egunetan bateratzen da merkataritza plataformarekin

Datozen hilabeteetan, eskura ditzakezun beste zerbitzu batzuen berri emango da, hala nola:
• Produktuen eskaintza mantentzea: produktuei alta ematea, fitxak sortzea, argazkiak, bideoak, promozioak eta abar egitea.
• Sare sozialen kudeaketa eta marketin-kanpainak