Arte Ederretako Museoa

Bilboko Arte Ederren Museoa

Bilboko Arte Ederren Museoa altxor bat da eta erreferentziazko erakundea artearen munduan, 1970etik BBKren laguntza duena. Antzinako arte, arte moderno eta garaikideko bildumak gorde eta ezagutarazten ditu pinakotekak, gizartea aberasten eta hezten laguntzeko, eta Bizkaiko balioak proiektatzeko.

Colaboración entre el Museo de Bellas Artes de Bilbao y BBK

BBKren eta Bilboko Arte Ederren Museoaren arteko lankidetza-hitzarmenak hainbat erakusketa, programa eta jardueraren jarraitutasuna bermatzen du, artea kontserbatu eta erakutsi ahal izateko, eta bildumak aberasten eta handiagotzen jarraitu ahal izateko.

Akordio honen programa nabarmenetako bat BBK/Museo Programa da, aldi baterako erakusketen eta hainbat jardueraren programa garatzeko aukera ematen duena. Hitzarmenean sartzen dira, halaber, ibilbide didaktikoen garapena, BBK-Museoa ikerketa-beken programa, bai eta hitzaldi-zikloak ere, Prado Museoaren Lagunen Fundazioarekin lankidetzan.

Gainera, Museoak BBKren esku jartzen du bere bilduma; horrela, Fundazioak aldi baterako erakusketak egin ditzake museoa ez den beste leku batzuetan.

BBK Arte bekak

BBK-k eta Bilboko Arte Ederren Museoak beka-programa bat ere badute, museoko bildumen ikerketan eta euskal arteari eta kulturari buruzko azterketetan elkarlanean jarduteko helburuarekin. Era horretan, artista, obra eta bildumen inguruko azterlanak eta ikerketak babesten jarraitzen dugu.

Bilboko Arte Ederren Museoaren beste programa batzuk

Gune irekia eta parte-hartzailea izateko asmoz, Bilboko Arte Ederren Museoak publiko guztiei zuzendutako hezkuntza-programa eskaintzen du, ezagutza edo jakintza indartzeko asmoarekin. Programa horretan helduek zein haurrek parte har dezakete eta familian edo ikastetxearekin joan daiteke.

Dinamika horren helburua museoaren eta bisitarien interesen arteko lotura lortzea da eta, horrela, museoa ikasteko leku bat dela ulertaraziko duten proposamenak sortzea.

Azkenik, Bilboko Arte Ederren Museoaren Lagunak programa ere badu pinakotekak pribilegio batzuekin, adibidez, museoaren jardueretan lehentasunezko sarrera eta parte-hartzea. Katalogo bat ere eskaintzen da argitalpen digitalekin, dokumentuak online kudeatzeko sistema, irudi-bankua eta liburutegia erakusketen katalogoekin eta museologiari lotutako hainbat diziplina edo jakintza-arlotako dokumentuekin.

Erlazionaturiko albisteak

Helbidea

Museo Plaza 2, 48009 Bilbao

ORDUTEGIA

Egunero 10:00etatik 20:00etara.

Sare sozialak
Intereseko estekak