Guggenheim Bilbao Museoa

Guggenheim Bilbao Museoa

Guggenheim Bilbao Museoa eta BBK gizartean eragin zuzena duten arte garaikidearen berezko balioekin identifikatzen dira: ezagutzaren sorkuntza, berrikuntza, talentuaren garapena, integrazioa, inklusioa, ahalegina eta talde-lana.

Guggenheim Bilbao Museoaren hezkuntza-jarduerak

Bilboko Guggenheim Museoa bizitasun ekonomikoaren sinonimo da eta, horregatik, fundazio gisa egiten dugun lan edo beharra ikuspegi berritzaile eta sortzaileekin programa berriak garatzea da, arte garaikidea hobeto ezagutzen eta ulertzen laguntzeko, era guztietako jendearen artean gehiago zabaltzeko eta Bizkaiko gizartearen garapen sozial eta kulturala bultzatzeko. Horretarako, Museoak adinekoei zein txikiei, ikastetxeei, familiei, irakasleei zein ikasleei zuzendutako jarduera-programa bat du, artea Bizkaiko gizarte osora irits dadin.

Hezkuntzaren esparruan, BBKren eta Guggenheim Bilbao Museoaren arteko lankidetza-hitzarmenari esker, hainbat ekimen garatzen jarraitu ahal izango da, hala nola, Artez busti, gida akustikoak, bisita gidatuak, informazio-baliabideak, gune didaktikoak eta mugikorretarako aplikazioak barne hartzen dituena, publikoari Museoaren esperientzia aberasgarri eta gogobetegarria eskaintzeko helburuarekin, haren profilera eta interesera egokituz. Fundazioak bere zereginean jarraitzen du Artea ikasbide programa babestuz; duela ia hamabost urtetik hona, Lehen Hezkuntzako eskola-curriculumeko ikasgaiak indartzen saiatzen da, arteari eta arte-sorkuntzari buruzko elkarrizketaren bidez, Museoko artisten eta hezitzaileen laguntzarekin.

Eremu horretan, eta BBK Sasoiko proiektuaren parte gisa, BBK-k eta Museoak hezkuntza-programa berria plazaratu dute: Apasiona(r)te con el Museo Guggenheim Bilbao. Elkarlaneko esperientzia horretan hainbat itaun edo galdera proposatzen dira artearen historian sartzeko helburuarekin, eta iritziak trukatzeko elkarrizketak planteatzen dira. Horrela, beste elkarlan batzuetan aplikatutako metodologia dinamiko berritzaileari eustea lortzen da, ModernizARTE ikastaroaren kasuan, esaterako.

Apasion(a)rte con el Museo Guggenheim Bilbao programan izena emateko, bidali mezu bat BBK Sasoikora.

BBKren lankidetzari esker, gizarte-ekimenak ere garatzen dira, hala nola bisita gidatuak ezgaitasunen bat dutenentzat edo gizatalde behartsuenentzat, edo jarduerak Basurtu eta Gurutzeta ospitaleetako haur-atalekin lankidetzan.

BBKren eta Guggenheim Bilbao Museoaren arteko lankidetza-hitzarmenak askotariko gizataldeei zuzendutako ekitaldi sozio-kulturalak egiten jarraitzeko aukera ematen du, betiere artea horietako bakoitzarengana ahalik eta modu egokienean eta erakargarrienean hurbiltzeko helburuarekin. Ekimen horien artean, Umeentzako Gabonetako programak edo Guggenheim Bilbao Museoaren Gauak aipatu behar dira; izan ere, Aste Nagusia dela eta, Museoak gaueko orduetan irekitzen ditu bere aretoak, zuzeneko jazz musikarekin.

BBK Jazz Guggenheim Gauak

xxx. urteaz geroztik, Bilboko Aste Nagusian, Bilboko Guggenheim Museoak gaueko hamaiketatik goizaldeko ordu bietara irekitzen ditu ateak, BBK Jazz Guggenheim gauak ospatzeko.

Hiru egunez, jazz garaikidearen estatuko eta nazioarteko artisten emanaldiak izango dira Museoko Atrioan. Gainera, bertaratzen direnek erakusketak bisitatu eta kopa bat har dezakete gaueko ordutegian.

Helbidea

Avenida Abandoibarra, 2 48009 Bilbao

Telefonoa

944 35 90 00 (bulegoetako ordutegian)

944 35 90 80 (Museoko ordutegian)

ORDUTEGIA

Asteartetik igandera 10:00etatik 20:00etara.

Sare sozialak
Intereseko estekak

MULTIMEDIA

MULTIMEDIA

PROIEKTUA IRUDITAN