Erabakien eraldatzeko boterearen inguruko dokumental batekin ospatuko dugu gure 10. urteurrena

Bilbon, 2025eko martxoaren 5ean

BBK banku Fundazioak argi utzi du bizitza honetan zerbaitek kolokan jartzen bagaitu erabaki bat hartu beharra dela. Hortaz, 10. urtemuga ospatzeko kanpainaren barruan, BBKk dokumental bat aurkeztu du gaur, non Bizkaiko gizartean eragindako garapenean eta kohesioan egindako ibilbidea islatu den film laburrean, eta Euskadiko enpresa-sarearen zein sare sozialaren hogei bat ordezkarik hitz egin duten.

Dokumentala da ospakizunaren ardatz nagusia, eta 2025. urte osoan zehar luzatuko den kanpaina zabal baten parte da. Bertan, erakundeak, ideia berritzaileen sorleku izanik, etengabeko aurrerapenean, sustraietan eta kulturan inbertitu duen urte hauetan guztietan bizi izan duen bidaia ikusgarria erakusten da, hori guztia etorkizuna eraikitzeko helburuarekin. Horregatik, eta lurraldeko obra sozialaren oinarrizko motor gisa, merezi bezala ospatu nahi du, eta urtea une bereziz, topaketa murgilgarriz eta ekintzaz beteko du, guztiak pertsonen inguruan, jakina. Artea, teknologia eta berritzailea izango dira ekintza horien guztien oinarria, zeinak BBKren ezaugarri den batasun sentimendua eragiten lagunduko duen.

Filmean, Bizkaiko enpresa-sarean gako entitateetan eta erakundeetako 20 bozeramailetik gora hartu dute parte, besteak beste: Xabier Sagredo (BBK Banku Fundazioaren Presidentea), Eduardo Ruiz de Gordejuela (Kutxabanken Kontseilari Delegatua), Juan Ignacio Vidarte (Guggenheim Bilbao Museoaren Zuzendari Nagusia), Guillermo Dorronsoro (Ekonomista eta irakaslea Deusto Business School-en), Álex Arteche (Arteche Taldearen CEO), Laureano Simón (Oncomatryx-en Sortzailea), Juanjo Álvarez (GLOBERNANCE-ren Sortzaile bat eta Idazkaria), Begoña Ortuondo eta Begoña Atxalandabaso (BBK Fundazioaren Patronatuko kideak), eta Isabel Abascal (Compostree-ren sortzailea).

Xabier Sagredok, BBK Banku Fundazioaren presidentea, Fundazioaren gako une desberdinak laburbildu ditu, eta balioa eman die BBK egun den eraikina bihurtu duten mugarriei. Halaber, hauxe nabarmendu du: “Dokumental honek ez du islatzen gure istorioa soilik, Bizkaiarekin etengabeko gure konpromisoa ere baizik. Duela hamar urte, BBKk bide zailena aukeratu zuen, baina ekarpen handienekoa obra sozialaren errotzeari eta egonkortasunari dagokionez, horiek gure oinarria izanik. Erabaki horri esker, BBK eragile ekonomiko-finantzario-sozial bat da, zeinak gure lurraldearen aurrerapenean biziki laguntzen duen, eta harro gaude hori guztia hain pieza bakar batean islatuta geratu delako.”

Gainera, “proiektu horiek pertsonen bizitzan izan duten eragin zuzena” ikusi duela ziurtatu du. Gazteentzat aukera berriak ireki dituzten hezkuntza ekimenetatik hasi eta gure komunitateko bizitza aberastu duten kultur programak barne. Proiektu bakoitza, inbertsio bakoitza, urrats bat gehiago izan da Bizkaia oparo eta ekitatibo baterantz.” Bere esanetan, “aldaketa nabarmenen bat enpresa ulertzeko gure moduan izan da… Desagertzear geundela zirudien, banku fundazioa bihurtu ginenetik obra sozialeko proiektuak garatzen bakarrik egingo genuela lan, bankuak ezingo zuela bizirik iraun eragiketa korporatiboek menderatutako sektore batean, haren tamaina eta gobernantza ereduak behin eta berriz zalantzan jarriz… Eta, ez dut harroputza iruditu nahi, baina alderantziz izan da… Iraultzaileak izan gara! Presidenteak hurrengoa gehitu du “testuinguruak beldurra ematen bazuen ere, erreferentziako eragile ekonomiko eta sozial bihurtzea erabaki genuen, Kutxabanken kontrolari eustekoa, eta gure % 57ri eustekoa. Horri esker, Euskadiko zerbitzuen lehen enpresak hemen jarraitu du… Orain, errotzearen garrantziaz hitz egiten dugu behin eta berriz, eta uste dut gure erabaki haren ikuspegia eta bokazioa hori dela. Gainera, egonkortasun-fondo bat sortu genuen inpaktuzko inbertsioak garatze aldera, batetik, arautzaileak eskatzen digunaren arabera dibertsifikatzea ahalbidetuko duten inpaktuko inbertsioak garatzeko, eta, bestetik, gure lan sozialaren etorkizuna babestuko duen inbertsio-zorroa sartzeko, hari sendotasuna eta izaera jasangarria izan dezan.

Eta hori guztia, arautzaileak eskatzen dizkigun betekizun guztiak beteaz. Atzera begira, esan dezakegu hamar urte hauek etengabeko ikasketa-bidaia izan direla. Jakina, akatsak egin ditugu, baina, gauza arrakastatsuak ere lortu ditugu. Eta, uneoro, gure iparra argi izan dugu: Bizkaiko lurraldearen eta bertako pertsona guztien ongizatea.”

Bertigoa sentitzeko mahai-ingurua

Dokumentalaren aurkezpena ixteko, BBKk mahai-inguru bat antolatu du, pertsonen bizitzan inpaktu positiboa eragin dezaketen instituzioen erabakiak aztertzeko, eta Fundazioaren estrategian gakoak diren gaiak jorratu dira, ekintzailetza, inbertsioa xede batekin, kultura eta aniztasuna esaterako. Eztabaidaren protagonistak dokumentalaren parte-hartzaile batzuk izan dira, besteak beste: Isabel Abascal, BBK Ekin lehen saria “Compostree” proiektuarekin; Isabel Iturbe, Bilbao Basketen Presidentea; eta Begoña Ortuondo, BBK patronatuaren kidea, Mikel Pulgarín, APNABI-ren Presidentea, eta Miguel Zugaza, Bilboko Arte Ederren Museoaren Zuzendaria

BBK Bizkaiaren etorkizuna eraikitzeko oinarrizko zutabe gisa sendotu da, eta lurraldearen aurrerakuntzarekin, erroekin, kulturarekin eta hizkuntzarekin duen konpromisoa sendotu du. Ospakizun honekin, BBK etorkizunerantz jarri da begira, eta prest dago hurrengo urteotako desafioei aurre egiteko, Bizkaiko garapenaren eta kohesioaren gako eragilea izanik.

Ospakizunak

Hamar urte hauek ospatzeko, BBKk hainbat jarduera antolatu ditu. Batzuk dagoeneko martxan daude, eta azarora arte jarraituko dute. Ospakizunari dagoeneko hasiera eman dietenei dagokienez, nabarmentzen da…

• Solstizium, Gabonetan BBK aretoak hartu zuen arte murgiltze-esperientzia. Izan ere, 19.000 lagun baino gehiago igaro ziren handik.
• Halaber, urtarrilean, BBK BrainLab inauguratu zen, nerbio-sistemaren gaixotasunen inguruan ikertzeko eta haiek pazienteei aplikatzea azeleratzeko laborategi berria, Biobizkaiaren eskutik ELA lerro espezifikoa irekitzea eragin duena.
• Bestetik, aurreko astean ETSrekin topaketa esklusiboa izan genuen BBK aretoan, ETSren 20. urtemugarengatik martxoaren 15, 21 eta 22an, BBK Herriko Plaza gunean eskainiko dituzten kontzertu bakarren aurrekari gisa.
• Urtean zehar iritsiko diren gainerako ekintzen artean nabarmentzen dira, esaterako, BBK ESG HUB 2025 Haietan, BBKk ESG irizpideak hobe barneratu dituzten erakundeak sarituko ditu: ingurumenaren zaintzara eta deskarbonizaziora bideratuta berritu dutenak, edo barne ekimenen bitartez alderdi sozialetan lan egin dutenak.
• Kulturaren arloan, BBK kontzertu berri handi bat irekian ari da prestatzen, BBKren urtemuga ospatzeko Ibaiaren inguruan, formatu berezian, udara baino lehen.
• Ildo berean, BBKk nazioarteko bi arte-proiektu saritu ezagun Bizkaira ekartzeko asmoa du, ingurumenarekiko sentsibilizazioaren, errespetuaren eta zaintzaren aldeko apustuaren barruan. Artea eta teknologia uztartzen dituzten bi murgiltze-esperientzia interaktibo liluragarri.
• Gazteenekin ospatzeko, BBKk musika topaketa trendy eta erakargarri bat ere antolatuko du.
• Ildo berean, artea kaleetara eramateko egingo da lan, gure lanari zentzua ematen dioten pertsonei aurpegia jarriz eta gure lurralde osoan protagonista diren pertsonen omenez, gune publikoan merezi duten bezala haiek ordezkatuz.
• Urte bukaeran, SALA BBK aretoan esperientzia murgilgarri berri bat, ikusle guztiak artean, historian, zientzian eta magian modu guztiz berritzaile batean murgilduko dituena.
• Gainera, beste jarduera batzuk ere egingo dira, esaterako, ikusle melomanoenek aukera izango dute jatorrizko lan sinfoniko bat aurkezteko ikuskizun multisentsorial bat

Ospakizunaren mugarri handi horiez gain, BBK proiektu berriekin eta urteetan zehar lantzen diharduen beste hainbat proiekturekin jarraituko du lanean.

Zaharra eta berria bereizi duen eraldaketa

BBKren 10. urtemugaren kanpaina enpresa baten bizitzaren noranzkoa edo etorkizuna bideratzen duten erabakien garrantzian oinarritzen da. Ez modu ez-kontzientean egunero hartzen ditugunak, ez, benetako erabaki garrantzitsuak baizik, enpresa baten bizitzaren noranzkoa edo etorkizuna bideratzen dutenak, alegia. Horrek ezezagunaren aurrean sentitzen dugun bertigoa ekartzen digu, eta ezin dugu beste ezertan pentsatu. Sentsazio hori da BBK banku Fundazioak transmititu nahi izan duena dokumentalean zein kanpaina plazaratzeko erabili duen  bideo piezan.