BBK Salak “Gaupasa” aurkeztu du, Aste Nagusirako bere antzerki ekoizpen berria

Gaur goizean, hedabideen aurrean egindako prentsaurrekoan, datorren Aste Nagusirako sortutako gure ekoizpen propio berria aurkeztu dugu. Proposamen honekin, Bilboko Kale Nagusiko antzokiak, laugarren urtez jarraian, kalitatezko antzerki jatorra eta Bilboko jaietarako bertako artistek bereziki sortutakoa ekoizteko konpromisoa berritu du, Koldo Bilbok, BBK Kultura arduradunak, adierazi duenez.

Lan berri honek “Gaupasa” du izenburu, eta David Caiña antzerkigile bilbotar gazteak idatzi eta zuzendutako komedia bat da. Txorimalo lagun-taldearen bitartez, proposamenak Bilboko jaietako hamabost urteko ibilbidea egiten du, kuadrilla baten memoria kolektiboa eraikitzen duten lagun-harremanak, amodioak, aurpegiratzeak eta elkarbanatutako oroitzapenak biltzera gonbidatuz.

Komedia berri bat Bilboko jaiak ospatzeko

“Gaupasa” lanarekin, azken udetan sendotu dugun lan-ildoari jarraipena ematen diogu, aurreko edizioetan lortutako arrakasten ondoren: “Agur, Otxoa basatia!” (2023), “Urte berri off. ¡Feliz 2025!” (2024) eta “Confeti. El regreso” (2025). Gure helburua Aste Nagusirako espresuki sortutako ikuskizunak sustatzen jarraitzea da, betiere jai-testuinguruarekin eta bertoko ikuslegoarekin lotuta.

Antzezlana Aiora Sedano, Josu Angulo, Iñaki Maruri, Lucía Astigarraga, Ibai González Rica eta David Caiña bera dira protagonista, hiriko jaiei buruzko umorea, nostalgia eta belaunaldi-begirada uztartzen dituen talde-proposamen (coral) indartsu batean.

Datak eta sarrerak

“Gaupasa” abuztuaren 23tik 30era bitartean ikusi ahal izango da (biak barne) Bilboko Kale Nagusiko antzokian, zortzi emanaldi guztira, egunero 19:30ean. Sarrerak salgai daude dagoeneko, 25 euroko azken prezioan.

Tokiko sorkuntzarekiko konpromisoa

Ekoizpen berri honekin, tokiko sorkuntza artistikoarekin eta inguruko talentua bultzatzearekin dugun konpromisoa indartzen dugu, Bilboko kultur nortasunaren parte izateko bokazioarekin jaiotzen diren jatorrizko proposamenen alde eginez.

Modu honetan, BBK Salan gure zeregina sendotzen jarraitzen dugu Aste Nagusiko kultur programazioan erreferentziazko espazio gisa, ikusleei istorio hurbilak, ezaguterrazak eta hiriko bizitzari lotutakoak hurbilduz.