Poetika klasikoa

Ezagutu poesiaren erritmoa, musika eta egitura

Literatura-sorkuntzako proiektu berri honetan parte hartzera gonbidatzen zaitugu. Poesia klasikoaren aberastasuna aztertuko dugu, baita gure literaturako bertso garrantzitsuenetako batzuk eraikitzeko erabili diren teknikak ere.

Luis Mendozaren eskutik, literatura-adierazpen berezi honen oinarriak landuko ditugu: errima, metrika eta erritmoa. Poemak nola eraikitzen diren ezagutuko dugu, eta baliabide horiek praktikan jarriko ditugu geure konposizioak sortzeko.

Hiruhilekoan zehar, Quevedok, Góngorak, Lope de Vegak edo Garcilaso de la Vegak erabilitako teknikak baliatuko ditugu. Boscánen eta Sor Juana Inés de la Cruzen lanetara ere hurbilduko gara, Urrezko Mendea literaturaren garairik bikainenetako bat bihurtu zuten beste poeta handi batzuekin batera.

Arte txikiko eta arte handiko formak landuko ditugu; erredondillak, kintillak, espinelak eta Cervantesen ovillejoak sortzen saiatuko gara, eta hamaika silabako bertsoa eta haren adierazpenik garrantzitsuenetako bat ezagutuko ditugu: sonetoa.

Poesia irakurri, ulertu eta idazteko gunea, hitzen musikaltasunaz gozatzeko eta Bilbotik ere bertso bikainak sor ditzakegula erakusteko.

• Urriaren 2tik abenduaren 18ra
• Ostiraletan, 10:00etatik 11:30era
• 12 saio · 18 ordu

Doako jarduera