Biki Digitalak: Zer egingo zenuke edozein erabaki bizitza errealean gertatu aurretik probatu ahal bazenu?

Eguneratuta egongo gara azken joera eta berrikuntza teknologikoak ezagutuz, eta geuk ere nola erabil ditzakegun komentatuko dugu. Adimen artifizialaren bidezko laguntzaile birtualetatik hasi eta azken astialdi-joeretan murgiltzeraino, hala nola errealitate areagotuko (EA) edo birtualeko (EB) zinema; AA bidez bultzatutako robot humanoide autonomoetatik igarota.

Saio bakoitza etorkizunera zabaldutako leiho bat da, egunerokoan pentsatua.

Azaroan zehar, honako gai hauek jorratuko ditugu:

Azaroaren 3a: Biki Digitalak
Zer egingo zenuke edozein erabaki bizitza errealean gertatu aurretik probatu ahal bazenu?
Biki digital bat ez da 3Dko plano estatiko bat; sentsorez eta adimen artifizialez elikatuta denbora errealean bilakatzen den erreplika birtual bizi bat da. Hegazkin-motoreetan matxurak aurreikustetik edo ebakuntza kirurgikoak simulatzetik hasi, eta hiri osoen trafikoa optimizatzera edo zure erloju adimendunetik osasuna monitorizatzera arte, esploratu ezazu simulazio birtualak nola aldatzen ari den gure erabakiak hartzeko modua.
Mendeetan zehar mapak erabili ditugu mundua irudikatzeko; gaur egun, oraindik gertatu ez dena aurreikusteko aukera ematen diguten kopia biziak sortzen ditugu.

Azaroaren 17a: Klimaren teknologia
Lagun diezaguke teknologiak gure planetaren etorkizuna aldatzen?
Ez dago klima-aldaketarako “desegin” botoirik, baina bai teknologia iraultzaileen bilduma zabal bat. Zatoz gurekin denbora errealean igorpenak neurtzen dituzten sateliteetatik eta superkonputazio-ereduetatik hasi, eta burdin-airezko edo CO₂ bidezko bateria sormenezkoetara, sare elektriko adimendunera zein Lurraren biki digitaletaraino etorkizuneko egoerak entseatzeko bidaia honetan.
Teknologiak ezin digu atzoko planeta itzuli, baina biharkoa nolakoa izango den erabakitzen lagun diezaguke.