Irlandarren presentzia Bizkaian Aro Modernoan

Hartu Emanak elkartearen Kultur Gela

Astelehen arratsaldero, Hartu Emanak elkartearen Kultur Gelak askotariko gaiak ezagutzera eta ulertzera gonbidatzen gaitu, formatu hurbil, atsegin eta dibulgatiboan.

Bizkaiko adinekoen elkarterik handiena den Hartu Emanak elkartearekin lankidetzan sustatutako gune hau aktibo mantentzeko, gure jakin-mina elikatzeko eta ezagutzarekin zein beste pertsona batzuekin lotura izaten jarraitzeko sortu da.

Irlandarren presentzia Bizkaian Aro Modernoan

Ekain Cagigal Montalbán:

Prestakuntza zabala du Ekain Cagigalek, eta, besteak beste, irlandarrek Bizkaian izan zuten presentzia aztertzen espezializatu da.

Laburpena:

Hitzaldi honetan, Aro Modernoan Bizkaiko Jaurerrian irlandar komunitate batek izan zuen presentziaren berri emango digu hizlariak; izan ere, ondo dokumentatutako gertakaria da. Ekainek migrazio-fluxu horren errealitate soziodemografikora lehen hurbilketa egingo du, Irlandaren bilakaera historikoaren testuinguruan kokatuz. Halaber, irlandar horiek uharteko zein lekutatik zetozen, Bizkaiko zein herritan finkatu ziren eta gure lurraldean nola integratu ziren azalduko du.

Doako jarduera, aldez aurretik izena eman beharrik gabe.