Ekintzailetzarekin hitzordua BBK Arin Demo Day ekitaldian

Irmoki sinesten dugu ekintzailetza dela gizarte lehiakorrago, bidezkoago eta jasangarriago bat eraikitzeko giltza nagusia. Hori dela eta, BAT izan da BBK Arin Demo Day-a ospatzeko tokia. Han elkartu ginen atzo, errentagarritasuna lortzeaz gain, gure lurraldean eragin positibo erreala sortzea bilatzen duten bost startupen talentua ospatzeko.

Urduritasun, ilusio eta, batez ere, elkarrekikotasun arratsaldea izan zen. Hilabeteetako lan gogorraren ondoren, bost startup finalistak eszenatokira igo ziren Bizkaiaren etorkizuna gizarte eta ingurumen eraldaketarekin konprometitutako pertsonen esku dagoela erakusteko. Ez zen itxiera ekitaldi bat soilik izan, jada BBK familiaren parte diren proiektu horientzat etapa berri baten hasiera baizik.

Azelerazio eta eragin hirukoitzeko bidaia

BBK Arin ez da ohiko azelerazio programa bat, inpaktu ekonomikoa, soziala eta ingurumenekoa helburu duten ekimenen aldeko apustua baizik. Bizkaiko startupei laguntzen diegu abian jartzeko eta hazteko fasean, eta diagnostiko pertsonalizatua, prestakuntza espezializatua eta mentoriak eskaintzen dizkiegu erreferentziako adituekin. Edizio honetan, proposamen bakoitzaren eskalagarritasun potentziala eta berrikuntza ebaluatu dugu hautaketa prozesu zorrotz baten bidez. Ondoren, bost proiektu aukeratu ziren BATen lau hilabeteko azelerazio prozesu intentsiboa bizitzeko.

Denbora horretan, negozio-eredu horiek finkatzeko eta merkaturako prestatzeko beharrezko baliabideak eman dizkiegu ekintzaileei. Laguntza estrategikoaz gain, programak 100.000 euroko funtsa du sari gisa, azelerazio prozesuan hazkundea sustatzeko.

Tokiko talentuak distira egin du BATen

BBK Banku Fundazioaren Gizarte Ekintzako Zuzendaria den Nora Sarasolak inauguratu zuen atzo Demo Day ekitaldia, eta erakusleiho ezin hobea izan zen programan lortu diren konponbide disruptiboak ezagutzeko. Parte-hartzaileek bost startup bikainen pitch-ak ikusi ziren:

• ADSOL: uraren kudeaketa birdiseinatzen duen aholkularitza-zerbitzua da. Beren teknologiari esker, ur-tanta bakoitza optimizatzen eta berrerabiltzen laguntzen dute. Neurrirako soluzioak diseinatzen dituzte, teknologia eta monitorizazioa uztartuz, enpresa eta etxeak askoz ere eraginkorragoak izan daitezen.
• Kuvu: belaunaldien arteko elkarbizitzarako plataforma da. Bakarrik bizi diren adineko pertsonek erabili gabe dituzten logelak gazte profesional eta ikasleentzako ostatu eskuragarri bihurtzen ditu. Etxea partekatzea errazteaz gain, nahi gabeko bakardadeari aurre egitea du helburu.
• Compostree: zuhaitz eta zuhaixkentzako babesgarri biodegradagarri eta konpostagarriak fabrikatzen dituzte Euskadin. Basogintzan erabiltzen diren plastikozko babesgarriak ordezkatzen dituzte, eta horrela, logistika eta kudeaketa kostuak murrizten dituzte.
• Marzianos: elikadura osasungarriko startup honek snack naturalak, nutritiboak eta azukre gehigarririk gabekoak sortzen ditu haurren eta familien elikadura hobetzeko. Gainera, produktu horiek egokiak dira dietak edo intolerantziak dituztenentzat.
• FelineTek: tokiko berrikuntza da, altueretan segurtasunez lan egiteko. Edozein eremutara egokitzen den plataforma bat patentatu dute, profesionalei erabateko egonkortasuna bermatzen diena. Produktu honekin, laneko segurtasuna eta eraginkortasun operatiboa hobetzen dira.

Jardunaldia amaitzeko, BATeko komunitateari irekitako afterwork bat egin zen, eta elkarrekintza modu naturalean joan zen bertaratutako pertsona guztien artean. Dinamika interaktibo bat ere izan genuen Kahoot baten bidez, BBK Ekin eta Arin programetako zenbait ekimeni balioa emateko. Gure sareko proiektuei lotutako sariak banatu ziren, hala nola Jappy Gallery-rako paseak, Basq-en oinetako jasangarriak edo Marzianosen produktu osasungarriak. Horrela, gure ekintzailetza-sareen artean sustatzen ditugun sinergiak eta eredu zirkularra sendotu genituen.

Tokiko talentua gure lurraldeko aktiborik baliotsuena delako uste sendoarekin lan egiten dugu. Gure lurraldean jaiotzen diren proiektuak pertsonen bizitza hobetzeko eta gure ingurunea babesteko gai diren errealitate nola bihurtzen diren ikusteak bultzatzen gaitu lanean jarraitzera. Balioekin ekitera ausartzen direnengan laguntzen, finantzatzen eta haien proiektuetan sinesten jarraituko dugu, zuen arrakasta, azken batean, Bizkaia osoaren arrakasta baita. Eskerrik asko zuen bidean parte hartzen uzteaagatik!