Udalekuak

Haurrak gure planeta zaintzearen garrantziaz sentsibilizatzeko diseinatutako hezkuntzarako eta jolaserako programa. Udaro, Udalekuak, jarduera ludiko eta kooperatiboen bidez, parte-hartzaileek jasangarritasunari eta klima-aldaketari buruz ikasiko dute, eta ingurumena zaintze aldera gaur egun eta etorkizunean.

Jasangarritasuna presente egongo da edizio honen alderdi guztietan. Gastronomiaren arloan, elikadura osasungarria, orekatua, tokikoa eta kalitatezkoa lehenetsiko da, gazteenen artean elikadura ohitura kontziente eta arduratsuak sustatuz.

Gainera, Udalekuak euskararen alde egiten jarraitzen du ohiko komunikazio hizkuntza gisa erabiliz eta parte hartzaileen artean sustatuz. Aldi berean, jarduera batzuetan ingelesaren erabilera sustatzen da modu erraz eta dibertigarrian, haurrei ondo pasatzen duten bitartean ikasteko aukera eskainiz.

Ez galdu Udalekuak, udan ikasi, dibertitu eta ingurumenarekin konpromisoa izateko!

2013 eta 2019 artean (biak barne) jaiotako haurrak, Bizkaiko Lurralde Historikoan erroldatuta daudenak eta aurrezki-produkturen baten titular direnak (Gaztedi/A kontua Kutxabanken, egoera aktiboan), kuotarik eteten ez dutenak eta/edo inbertsio-produkturen baten titular direnak (inbertsio-funtsa edo kudeaketa-zorro eskuordetuak) Kutxabank erakundean.

• Martxoak 2-23: Izena emateko epea, BBK eta ZU atariaren bidez.
• Apirilak 24: Plazen esleipenaren jakinarazpena (BBK eta ZU atarian bertan eta eskaeran adierazitako helbide elektronikora bidalitako mezu bidez).
• Maiatzak 15: Plaza onartzeko edo ukatzeko azken eguna (BBK eta ZU atarian edo eskaeran adierazitako helbidera bidaliko den estekaren bidez). Epe horretan esleitutako plaza ez onartzea uko egitetzat joko da.
• Maiatzak 16: Maiatzaren 16tik 31ra: Onartutako plaza bati justifikaziorik gabe uko egiteak zenbatekoaren %20 kobratzea ekarriko du.
• Ekainak 1: Ekainaren 1etik 28ra (Udalekuak hasi aurreko eguna) zenbatekoaren %50 kobratuko da.
• Ekainak 29: Ekainaren 29tik aurrera zenbatekoaren %100 kobratuko da.

• Kuota 235 €-koa da.
• Kargua egonaldia amaitutakoan egingo da.
• Izena eman BBK eta ZU atarian.

Lau (4) txanda egingo dira, bakoitza sei (6) egunekoa (astelehenetik larunbatera):

1. txanda: Ekainaren 29tik uztailaren 4ra
2. txanda: Uztailaren 6tik 11ra
3. txanda: Uztailaren 13tik 18ra
4. txanda: Uztailaren 20tik 25era

Osakidetzako txartelaren fotokopia ekarri behar da. Arropa kopurua egonaldi osorako nahikoa izan beharko da. Maleta bat haur bakoitzeko. Maleta eta arropa guztiak haurrari esleitutako izenarekin eta zenbakiarekin markatuta egon beharko dute.

Ez da eskuoihalik (dutxarako), lo-zakurik ezta maindirerik ere ekarri behar. Ezin izango dute baliozko objekturik, dirurik, mugikorrik, musika-erreproduzitzailerik edo gozokirik ekarri. Kantinplora eta motxila txiki bat sartu irteeretarako.

Antolatzaileek ez dute inolaz ere parte-hartzaileen objektu pertsonalen galera, apurketa edo hondatzearen erantzukizunik hartuko.