Zergatik ulertzen nau hain ondo Alexak?

Abangoardia teknologikoa gure eguneroko errealitatearekin lotzeko helburuarekin jaiotako hitzaldi-sorta. Batzuetan teknologia hain azkar doanez maratila eragiten digu, baina Tech 4 Good proiektuan etorkizuneko teknologia hizkera erraz, praktiko eta erabilgarrira ekarri nahi dugu, zure egunerokorako egokia izan dadin. Ez dio axola zenbat urte dituzun edo zer-nolako ezagutza duzun: gune ireki bat da gazteentzat, helduentzat eta edonolako gogo ikusmiratsuentzat.

Eguneratuta egongo gara azken joera eta berrikuntza teknologikoak ezagutuz, eta geuk ere nola erabil ditzakegun komentatuko dugu. Adimen artifizialaren bidezko laguntzaile birtualetatik hasi eta azken astialdi-joeretan murgiltzeraino, hala nola errealitate areagotuko (EA) edo birtualeko (EB) zinema; Adimen Artifizialaren bidez bultzatutako robot humanoide autonomoetatik igarota.

Saio bakoitza etorkizunera zabaldutako leiho bat da, egunerokoan pentsatua.

Urrian zehar, honako gai hauek jorratuko ditugu:

Urriaren 6a – Gorputz handitua: gure gaitasunak zabaltzeko teknologia
Zer teknologia edukitzea gustatuko litzaizuke hamar urte barru autonomia eta ongizate handiagoz bizi ahal izateko?
Duela mende batzuetatik erabiltzen ditugu betaurrekoak edo makilak bezalako tresnak gure egunerokoan hobeto moldatzeko. Orain, teknologiak aukera berriak zabaltzen ditu indar handiagoz mugitzen laguntzeko, oreka hobeto mantentzeko edo hainbat zeregin ahalegin txikiagoarekin egiteko.
Hitzaldi honetan, exoeskeletoak, robótica janzgarria eta adimen artifiziala osasuna, kirola edo lana bezalako eremuak nola eraldatzen ari diren ezagutuko dugu.
Kontua ez da robot bihurtzea, gure gorputzari gehien behar duenean lagunduko eta babesa emango dioten teknologiak sortzea baizik.

Urriaren 20a – Zergatik ulertzen nau hain ondo Alexak?
Alexak benetan ulertzen al du esaten dioguna? Eta zertan bereizten da ChatGPT bezalako tresna batzuetatik?
Hitzaldi honetan, modu erraz eta hurbilean ezagutuko dugu zer gertatzen den adimen artifizial batekin hitz egiten dugunean eta teknologia hauek nola lortzen duten gure hitzak ezagutzea, testuingurua interpretatzea eta gure galderei erantzutea.
Hala berean, argibide zehatzak betetzen dituzten ohiko laguntzaileen (Alexa edo Siri) eta elkarrizketa bati eutsi, informazioa aztertu eta eguneroko zereginetan laguntzeko gai diren adimen artifizial berrien arteko desberdintasuna ezagutuko dugu.
IA nola dabilen hobeto ulertzeko eta gure egunerokoan antolatzen, komunikatzen eta moldatzen nola lagundu diezagukeen ezagutzeko aukera paregabea.