Eduardo Fierro

Kuvu gure garaiko bi gizarte-erronka handri erantzuteko helburuarekin jaio zen: etxebizitzarako sarbidea erraztea eta nahi gabe itxuraturiko bakardadeari aurre egiteak. Eduardo Fierrok zuzendutako ekimen honek logela libreak etxebizitza partekatu bihurtzen ditu, belaunaldi ezberdinetako pertsonak elkarrekin konektatuz bizikidetza-eredu seguru baten bidez. Eredu hau bateragarritasun-irizpideetan, laguntza profesionalean eta etengabeko jarraipenean oinarritzen da.

Ostatatze-plataforma bat baino gehiago, Kuvuk etxe bat partekatzen dutenentzako loturak, ongizatea eta aukera berriak sortzearen alde egiten du. Proposamen honek erakusten du berrikuntza behar errealen aurrean irtenbide erraz eta gizatiarrak sortzean ere datzala.

Bere eraginak eta eraldaketarako potentzialak Arin programaren hirugarren edizioko bost startup finalisten artean egotera eta azelerazio-programako lehen saria lortzera eraman zuten Kuvu. Aitortza honek balioan jarri zuen hirukoitz eragina (ekonomikoa, soziala eta ingurumenekoa) sortzeko duen gaitasuna, eta proiektuaren esparrua zabaltzen eta hazten jarraitzeko bultzada izan zen.

Arin programaren akonpainamenduari esker, bere hazkunde-estrategia zorroztu, negozio-ereduaren garapena azkartu eta ekimena finkatu zuen; gaur egun ere, etxe bat partekatzea komunitatea eraikitzeko modu bat ere izan daitekeela erakusten jarraitzen du.

Kuvuren istorioak islatzen du xededun ekintzailetza gizartea eraldatzeko tresna bihur daitekeela. Pertsonak konektatzeko, ongizatea sortzeko eta lankidetzatik zein bizikidetzatik etorkizun inklusiboago bat eraikitzeko apustua.