Moda eta jasangarritasuna

Sortu, eraldatu eta ezagutu planeta zainduz janzteko modu berriak

Moda gustuko duzu, baina ehungintzak planetan duen eraginak kezkatzen zaitu? Imajinatzen duzu zeure material ekologikoak sortzea eta ahaztutako jantziak edo oihal zatiak pieza berri, praktiko eta paregabe bihurtzea?

Programa honetan, Bilboko hiru komunitatek —La Perrera Espazioak, La Esperanza Gazteguneak eta Sasoikok— bat egingo dugu belaunaldi desberdinen artean sortzeko, esperimentatzeko eta ikasteko. Gazteek eta adinekoek ezagutzak, esperientziak eta ideia berriak partekatuko dituzte, moda eta kontsumo-ohitura jasangarriagoak sustatzeko.

Ez duzu joskintzan esperientziarik edo zientzia-ezagutzarik behar. Jakin-mina, sormena eta taldean aritzeko gogoa besterik ez.

Saioetan, adituen esperientzia ezagutuko dugu, eta atzoko zein gaurko kontsumo-ohiturak partekatuko ditugu. Josteko eta jantziei probetxua ateratzeko ohiko trikimailuak joera ekologiko berriekin eta modari aplikatutako berrikuntzak eskaintzen dituen aukerekin uztartuko ditugu.

Gure biomaterialak sortzeko aukera ere izango dugu, hala nola biozeramikak, bioplastikoak, koloratzaile naturalak edo biohariak, material naturalak eta tokiko hondakinak erabiliz. Horrez gain, upcycling teknikak ikasiko ditugu, erabiltzen ez ditugun oihal zatiak eta jantziak objektu berri, erabilgarri eta pertsonalizatu bihurtzeko.

Egindako lanak saioetatik harago ere utziko du arrastoa. Parte-hartzaileek azken erakusketa kolektibo batean parte hartuko dute, eta kontsumo jasangarriari buruzko komunitate-gida bat sortzen lagunduko dute. Laborategian garatutako ezagutzak, ideiak eta ohiturak Bizkaia osoarekin partekatzeko baliabidea izango da.

Jasangarritasuna interesatzen bazaizu, beste belaunaldi batzuekin konektatu nahi baduzu, kontsumitzeko modu berriak ezagutu nahi badituzu edo gauza berriak ikasten eta sortzen ondo pasa nahi baduzu, gune hau zuretzat da.

Zure esperientziak eta ideiek modaren etorkizuna eraldatzen lagun dezakete. Eman izena eta ezagutu planeta zaintzeko ohitura berriak.

• Urritik azarora
• 5 saio · 12 ordu

Prezioa: 36 €

Aukeratu hobekien datorkizun taldea:

A taldea
Urriaren 6an eta 13an, asteartez, 17:30etik 19:30era, La Esperanzan —Esperantza kalea, 4. Bilbo—.
Urriaren 10ean eta 17an, larunbatez, 10:30etik 13:30era, La Perreran —Sabino Arana etorbidea, 50. Bilbo—.

B taldea
Urriaren 19an eta 26an, astelehenez, 17:30etik 19:30era, La Esperanzan —Esperantza kalea, 4. Bilbo—.
Urriaren 24an eta 31n, larunbatez, 10:30etik 13:30era, La Perreran —Sabino Arana etorbidea, 50. Bilbo—.

A eta B taldeentzako saio bateratua
Azaroaren 3an, asteartez, 17:30etik 19:30era, Sasoikon —Ronda kalea, z/g. Bilbo—.