Berrikuntza: zer berri?

BBK Kuna-k Jorge Barrero eta Mariola Urrea biltzen ditu berrikuntzaren etorkizunaz eta adimen artifizialaren eraginaz hausnartzeko

Saioa “”Futuros Inspiradores”” ekimenaren barruan kokatzen da, eta eraldaketa teknologikoko testuinguru batean berrikuntza ulertzeko, neurtzeko eta bultzatzeko modu berriei buruzko ikuspegia eskainiko du.
BBK Kuna-k “”Futuros Inspiradores”” ekimenaren topaketa berri hau hartuko du Ganbara aretoan, nazioarteko aditu eta ahotsen eskutik ezagutza eta joera global garrantzitsuenak Bizkaira hurbiltzeko sortutako gunea. Ziklo honen helburua azterketa horiek lurraldearen garapen sozial, ekonomiko eta teknologikoa bultzatzeko gako erabilgarrietara eramatea da.
Ekitaldian Jorge Barrero Berrikuntzarako Cotec Fundazioko zuzendari nagusiak eta Mariola Urrea Menéndez Pelayo Nazioarteko Unibertsitateko Nazioartekotze eta Harreman Instituzionaletako errektoreordeak hartuko dute parte.
Saioa Jorge Barreroren “”Berrikuntza: zer berri?”” izeneko hitzaldiarekin hasiko da. Bertan, azelerazio teknologikoak markatutako eszenatoki batean berrikuntza sortu, interpretatu eta neurtzeko modu berriei buruzko hausnarketa proposatuko du. Bere hitzaldian, adimen artifizialak eraldaketa-motor gisa duen zeregina, teknologia subiranotasun-bektore gisa eta lurraldeen eragin berritzailea hobeto ulertzea ahalbidetuko duten adierazle berriak garatzearen garrantzia jorratuko ditu.
Ondoren, Jorge Barrerok eta Mariola Urreak elkarrizketa izango dute, eta hitzaldian planteatutako gai nagusietan sakonduko dute. Berrikuntzak gaur egun dituen erronkei eta aukerei buruzko ikuspegi osagarria eskainiko du elkarrizketak, bai eta datozen urteetan izango duen bilakaera markatuko duten gakoetako batzuk ere, Europako esparrua oso kontuan hartuta.
“”Futuros Inspiradores””-en edizio berri honekin, BBK Kuna-k etorkizuneko erronkak aurreratzen lagunduko duten hausnarketarako eta elkarrizketarako espazioak sortzeko konpromisoa berresten du, ezagutzaren trukea sustatuz eta gizartea, ekonomia eta teknologia definitzen ari diren aldaketa handiei buruzko erreferentziazko ikuspegiak lurraldera hurbilduz.