BBK Kunaren xedea
Kuna beti egon da Bizkaiko errealitateari lotuta, bere behar aldakorrei erantzuten dieten ekimenak gidatuz. 100 urte baino gehiagoz, BBK Banku-fundazioak gizarte inpaktu positiboa sortzeko eta gizarte inklusiboagoa eta jasangarriagoa eraikitzeko proiektuak sustatu ditu.
3 zutabe estrategikotan oinarritzen gara.
Kuna kideak
Gizarte zibila
- Auzoko aholku-kontseilua
- Elkarteak
- Herritarrak
Sektore publikoa
- Bilboko Udala
- Erakundeak
Akademia
- Institutoa
- Unibertsitateak
- Ikerketa-zentroak
Sektore pribatua
- Enpresak
- ETEak
- Startupak
Auzoko aholku-kontseilua
Kunak berak sortutako eragile bat, auzoko biztanleek esateko dutena entzun eta ekimenetan sar daitezen ziurtatzeko. Gainera, konponbideak elkarrekin sortzen laguntzea, tailer eta saioetan aktiboki parte hartuz.
Daniel Innerarityk gidatuta eta tokiko adituek osatuta, eragile honen helburua ekimenen ekosistemari esperientzia eta jakintza ematea da, bere ezagutzaren bidez ekimen bakoitzaren inpaktua indartuz eta zabalduz.
Teknologia pertsonentzat
Azelerazio teknologikoko eta gizarte-eraldaketako testuinguru batean, BBK Kunak pertsonak ardatz dituen teknologiaren ikuspegi humanista bultzatzen du, berrikuntza inklusioaren, jasangarritasunaren eta gizarte-justiziaren zerbitzura dagoen tresna gisa ulertuta.
Begirada horrekin, «Teknologia pertsonentzat» bihurtuko da BBK Kunaren 2026ko urteko gai-esparrua, teknologiak pertsonen ongizatea eta bizi-kalitatea hobetzen modu ukigarrian nola lagun dezakeen aztertzen duten hainbat ekimen egituratuz.
Proiektuak
Etorkizun inspiratzaileak
Etorkizun Inspiratzaileak BBK Kunaren ekimen bat da, Bizkaia ezagutza eta joera global garrantzitsuenetara hurbiltzeko asmoa duena, nazioarteko erreferentziazko aditu eta ahotsen eskutik. Haren helburua azterketa horiek lurraldearen garapen sozial, ekonomiko eta teknologikorako gako baliagarri bihurtzea da.
Dirulaguntzen deialdia
Hirugarren sektoreko erakundeetan teknologia berritzaileak txertatzea bultzatzeko laguntza-deialdia, gure lurraldean eraldaketa soziala bizkortzeko helburuarekin.
Etorkizuneko biztanleak
Etorkizuneko biztanleak herritarren prospektibarako gune bat da, herritarren parte-hartzea eta gazteen ahotsa etorkizuneko agertokiak zehaztean eta Euskadiko erronka nagusiei irtenbideak diseinatzean txertatzera bideratua.
The Future Game
The Future Game gazteen parte-hartzerako laborategi bat da, belaunaldi berriek etorkizunari begira gehien kezkatzen dituzten gaien inguruan dituzten mundu-ikuskerak jasotzen dituena, esperientzia gamifikatu baten bidez.
